TƏŞKİLAT HAQQINDA
29 il əvvəl 21 noyabr, 1995-ci ildə 11 gənclər təşkilatı tərəfindən Azərbaycanın aparıcı gənclər təsisatlarından olan Azərbaycan Respublikası Gənclər Təşkilatları Milli Şurası təsis olunub. Milli Şura ölkə gəncləri və gənclər təşkilatlarının yeganə konfederativ strukturu, vahid koordinasiya və əməkdaşlıq mərkəzi olmaqla onların beynəlxalq inteqrasiyasını təşkil və təmin edən qurumdur.
Missiya
Vətəndaş cəmiyyətinin formalaşmasında gənclər və gənclər təşkilatlarının rolunun artırılmasıdır.
Məqsəd
Tərkibinə daxil olan gənclər təşkilatlarının fəaliyyətlərini əlaqələndirmək, onların inkişafı üçün şərait yaratmaq, üzv təşkilatların milli, regional və beynəlxalq səviyyədə maraqlarının həyata keçirilməsinə çalışmaq, gənclərin problemlərinin həlli və hüquqlarının müdafiəsi sahəsində birgə iş aparmaq, gənclər və onların təşkilatları arasında ümummilli məsələlərin həllində həmrəyliyə nail olmaqdır.