“UrbanVisions” Beynəlxalq Gənclər Forumu davam edir! 🌍

8 Dekabr 2024

Forumun ikinci günündə iştirakçılar əvvəlcədən nəzərdən keçirilmiş Hüseyn Cavid parkı, N.Nərimanov parkı və ətraf ərazilərin problemlərini araşdıraraq, həmin ərazilər üçün yeni şəhərsalma layihələrinin hazırlanmasına başlayıblar. İştirakçılar müxtəlif ideyalarını müzakirə edərək, yaradıcı yanaşmalar tətbiq edib və bu ərazilərin gələcəkdə daha perspektivli və əlçatan olmasını təmin edəcək konsepsiyalar üzərində işləyiblər. Həmçinin ekspertlərdən əldə etdikləri tövsiyələr əsasında layihələrini daha da təkmilləşdirərək, reallaşdırıla biləcək və uzunmüddətli davamlılıq təmin edən şəhərsalma həlləri üzərində yanaşmalarını müəyyən ediblər.