Azərbaycan Respublikası Gənclər Təşkilatları Milli Şurasının sədri Rafael Hacıbəyli bu tədbirdə Azərbaycanı təmsil edib.

Konfransda Rafael Hacıbəyli Ulu Öndər Heydər Əliyevin təməlini qoyduğu və Prezident İlham Əliyevin uğurla davam etdirdiyi gənclər siyasətindən bəhs edib. Bildirib ki, bu siyasət gənclərimizin cəmiyyətin inkişafında fəal iştirakını təmin edərək, onların cəmiyyətin müxtəlif sahələrində aktiv rol oynamasına şərait yaradır. Bununla yanaşı, Azərbaycan gəncləri üçün daha geniş imkanlar açaraq onların dünya miqyasında özlərini ifadə etməsinə şərait yaradır. Gənclər siyasəti həm milli, həm də beynəlxalq səviyyədə ölkəmizin nüfuzunu artırmaqda mühüm rol oynayır.

Özbəkistan gəncləri ilə əməkdaşlığımızın genişlənməsi, dostluq və mədəni əlaqələrin daha da möhkəmlənməsinə, həmçinin birgə layihələrin və təcrübə mübadiləsinin artmasına töhfə verir. Gələcəkdə hər iki ölkənin gəncləri arasında ortaq layihələrin həyata keçirilməsi və müxtəlif sahələrdə birgə əməkdaşlıq imkanlarının inkişaf etdirilməsi nəzərdə tutulur ki, bu da gənclərimizin beynəlxalq səviyyədə uğurla irəliləməsinə şərait yaradacaq.