Azərbaycan Respublikası Gənclər Təşkilatları Milli Şurası (NAYORA) ilə İndoneziya Gənclər Şurası və Azərbaycanda İndoneziya Tələbə və Gənclər Assosiasiyası arasında görüş keçirilmişdir.

Görüş zamanı İndoneziyanın nümayəndələri öz təşkilatlarının təşəbbüsləri, fəaliyyət istiqamətləri və əldə etdikləri uğurlar haqqında geniş məlumat təqdim etmişdir. Nümayəndələr gənclər sahəsində qazandıqları beynəlxalq təcrübəni bölüşmüş, bu təcrübənin əməkdaşlıq layihələrində necə tətbiq edilə biləcəyini müzakirə etmişlər. Həmçinin, qarşılıqlı mübadilə proqramları, birgə təlimlər və innovativ təşəbbüslərin həyata keçirilməsi mövzularında fikir mübadiləsi aparılmışdır.