"Azadlıq Salnaməsi" yarışı başa çatdı.

Xocalı faciəsinin 33-cü ildönümünə həsr olunmuş "Azadlıq salnaməsi" intellektual yarışı uğurla başa çatdı. Azərbaycan Respublikasının Gənclər Fondunun dəstəyi, Azərbaycan Respublikasının Gənclər Təşkilatları Milli Şurası (NAYORA) və "Xəzər İntellektual Gənclər Klubu"nun təşkilatçılığı ilə keçirilən bu yarışda gənclər Xocalı faciəsi və Azərbaycanın müstəqillik uğrunda mübarizəsi barədə biliklərini sınadılar.

Yarışda hər biri 5 nəfərdən ibarət 7 komanda iştirak etdi. İştirakçılar intellektual suallara cavab verərək bilik və düşüncə qabiliyyətlərini sınadılar. Gərgin və bilik dolu mübarizənin sonunda ən çox xal toplayan komandalar qalib oldu və mükafatlandırıldı.

Bu yarışın məqsədi gənclərin intellektual biliklərini artırmaqla yanaşı, onların fərqli təşkilatlardan olan digər gənclərlə bir araya gəlməsini, komanda ruhunu formalaşdırmasını və mübarizə əzmini nümayiş etdirməsini təmin etmək idi.