📣 Hörmətli gənclər təşkilatları və gənclər!

Azərbaycan Respublikası Gənclər Fondunun dəstəyi və Azərbaycan Gənclər Təşkilatları Milli Şurasının (NAYORA) təşkilatçılığı ilə 2 Fevral Gənclər Gününə həsr olunmuş Gənclər Təşkilatlarının Sərgisi keçiriləcək.

Sərginin əsas məqsədi gənclər təşkilatlarının fəaliyyətini, onların layihələrini və gələcək planlarını təbliğ etməkdir. Bundan əlavə, sərgidə gənclərin maraqlarına uyğun qurumlarla tanış olmaq, onlarla birbaşa əlaqə saxlamaq və qurumların imkanlarından istifadə etmək üçün şərait yaradılacaq.

Eyni zamanda, sərgidə müxtəlif əyləncəli oyunlar və müsabiqələr təşkil ediləcək və qalib gənclərə mükafatlar təqdim olunacaqdır.

Qeyd edək ki, sərgidə təmsil olunacaq gənclər təşkilatlarının qeydiyyatı mütləqdir. Gənclərin iştirakı isə tam sərbəstdir. (şəxsiyyət vəsiqəsi üzərində olmaqla)

🗓 Tarix: 01.02.2025, 14:00-18:00

📍 Məkan: Gənclər Təşkilatlarının Resurs Mərkəzi (Globus Center-13-cü mərtəbə)

Gəlin Gənclər Gününü #birlikdə qeyd edək və gənclər təşkilatlarını daha yaxından tanıyaq!