Azərbaycan Dövlət Pedaqoji Universitetində, Azərbaycan Respublikası Gənclər Fondunun dəstəyi, Azərbaycan Respublikası Gənclər Təşkilatları Milli Şurası (NAYORA) və "Böyük Qayıdış" Gənclər Təşkilatının birgə təşkilatçılığı ilə “Qarabağ: Qəhrəmanların Dastanı" adlı panel görüş keçirildi.

Tədbir şəhidlərimizin əziz xatirəsinin bir dəqiqəlik sükutla yad edilməsi ilə başladı. Daha sonra rəsmi şəxslər çıxış etdilər. Rəsmi şəxslər arasında Azərbaycan Dövlət Pedaqoji Universitetinin prorektoru Fikrət Rzayev, Azərbaycan Respublikasının millət vəkili Naqif Həmzəyev, Azərbaycan Respublikası Gənclər Fondunun Gənclər Təşkilatları ilə iş şöbəsinin müdiri Orduxan Qəhrəmanzadə, NAYORA-nın Baş katibi Nərminə Hüseynzadə və "Böyük Qayıdış" Gənclər Təşkilatının sədri Nail Şükürov iştirak edərək çıxış etdilər. Onlar Qarabağ müharibəsi, qəhrəmanlıq dastanları və gənclərin bu mövzudakı rolu haqqında ətraflı danışaraq vacib fikirlər səsləndirdilər.

Çıxışlardan sonra panel müzakirəsi başladı. Müzakirədə tanınmış jurnalist Jalə Həsənli və 44 günlük Vətən müharibəsində iştirak etmiş qazilərimiz yer aldılar. Onlar müharibə dövründə yaşadıqları döyüş xatirələrini və yadda qalan anları bölüşdülər. Eyni zamanda, Vətən müharibəsinin əhəmiyyəti, bu mübarizənin gənclərin gələcəyinə təsiri və gənclərin informasiya müharibəsindəki rolu barədə də fikirlərini ifadə etdilər.

İştirak edən hər kəsə təşəkkür edirik. Birlikdə tariximizi yaşadır, gələcəyimizə sahib çıxırıq!

None