Azərbaycan Respublikası Ekologiya və Təbii Sərvətlər Nazirliyinin və Azərbaycan Respublikası Gənclər Fondunun dəstəyi, Azərbaycan Respublikası Gənclər Təşkilatları Milli Şurasının (NAYORA) təşkilatçılığı ilə ümummilli lider Heydər Əliyevin anım gününə həsr olunmuş "Əbədi Yaşıllıq" adlı ağacəkmə aksiyası keçirilib.

12 Dekabr 2024

Aksiyada iştirak edən gənclər ümummilli lider Heydər Əliyevin vətənə və təbiətə olan dərin sevgisini, həmçinin ekoloji məsələlərə verdiyi önəmi yad edərək, yaşıllıq sahələrinin artırılmasına və ekoloji şüurun inkişafına töhfə verərək onun xatirəsini əbədiləşdiriblər.

Təbiətin gözəlliyinin qorunması və gələcək nəsillərə yaşıl bir dünya mirası qoymaq üçün atılan bu addımlarda hər birimizin rolu böyükdür.