Azərbaycan Respublikası Gənclər Fondunun dəstəyi, Azərbaycan Respublikası Gənclər Təşkilatları Milli Şurası və “Müasir Gənclərin İnkişafına Dəstək” İctimai Birliyinin təşkilatçılığı ilə Gənclər Təşkilatının Resurs Mərkəzində “Gənclər Dayanıqlı İnkişaf Məqsədləri Naminə” Gənclərin Şəbəkələşmə Forumu keçirilib.

Forum Dayanıqlı İnkişaf Məqsədləri sahəsində həyata keçirilən fəaliyyətlərin icrasına və gənclərin bu yöndə iştirak potensialının artırılmasına dəstək məqsədilə təşkil olunub. 100-ə yaxın gəncin iştirak etdiyi forum çərçivəsində baş tutan panel müzakirələrin əsas mövzusu “Yaşıl Dünya Naminə Həmrəylik İli”nə həsr edilib.

Panel müzakirə başa çatdıqdan sonra isə “Gələcəyə doğru: İstixana qazları və dayanıqlı şəhərlər”, “Parçadan çantaya: Davamlılıq dövrünün hər mərhələsi”, “Turizm və otelçilik sektorunda tullantıların idarə olunması” kimi mövzularda paralel təlim sessiyaları və “Ekoloji siyasətimiz və biznesdə biz” mövzusunda təqdimat keçirilib.

Forumun sonunda iştirakçılara sertifikatlar təqdim edilib.