BMT-nin İqlim Dəyişiklikləri üzrə Çərçivə Konvensiyasının Tərəflər Konfransının (COP29) 29-cu sessiyası çərçivəsində Yaşıl zonada “Gənclər iqlim fəaliyyəti sahəsində ön sıralarda” mövzusunda konfrans keçirilib.
16 Noyabr 2024
Tədbirdə Azərbaycanın birinci xanımı Mehriban Əliyeva, Türkiyənin birinci xanımı Əminə Ərdoğan, Özbəkistanın birinci xanımı Ziroatxon Mirziyoyeva və Qırğızıstanın birinci xanımı Aygül Japarova çıxış ediblər.
Daha sonra Azərbaycan, Macarıstan, Qazaxıstan, Qırğızıstan, Türkiyə və Özbəkistandan olan gənc ekoloji fəallar öz təqdimatları ilə iştirak ediblər. Onlar ekoloji problemlər və gələcəyə yönəlmiş təşəbbüsləri ilə bağlı məlumat veriblər.
Eyni zamanda konfrans çərçivəsində 2024-2030-cu illər üçün nəzərdə tutulan “Mədəni inkişafın təşviqi və uşaqların, eləcə də gənclərin iqlim gündəliyinə cəlb edilməsi” üzrə Beynəlxalq Strategiyanın imzalanma mərasimi keçirilib.
