COP-29 çərçivəsində ölkəmizdə səfərdə olan Tacikistan, Özbəkistan və Qırğızıstan nümayəndə heyəti ilə Gənclər Təşkilatlarının Resurs Mərkəzində görüş baş tutub. 🌍
19 Noyabr 2024
Görüşdə hər ölkənin gənclər siyasəti üzrə prioritetləri, gənclərin mübadilə proqramlarında iştirakı, məşğulluq imkanlarının artırılması və onların təhsil, mədəni, ekoloji layihələrdə fəallığı müzakirə olunub.
Nümayəndələr gənclərin müxtəlif sahələrdə iştirakını təşviq edən proqramların təkmilləşdirilməsi və ölkələrarası əməkdaşlıq vasitəsilə gənclərin inkişafına dəstək verilməsi barədə fikir mübadiləsi aparıblar. Gənclər üçün yeni təlim və inkişaf layihələrinin yaradılması, innovativ təşəbbüslərin dəstəklənməsi də əsas mövzular arasında olub. 
Görüşün sonunda isə, bütün ölkələr arasında gənclərin bir-biri ilə daha sıx əlaqələrinin qurulması üçün şəraitin yaradılması və mübadilə proqramlarının həyata keçirilməsi barədə qərarlar qəbul edilib. 
