COP29 çərçivəsində ölkəmizdə səfərdə olan Qırğızıstan nümayəndələri ilə Gənclər Təşkilatlarının Resurs Mərkəzində görüş keçirilib. 🌏
20 Noyabr 2024
Qırğızıstan nümayəndələrinin iştirakı ilə ölkəmizin müxtəlif gənclər təşkilatlarının nümayəndələri arasında panel görüş baş tutub. Bu görüşdə hər iki ölkənin gənclər siyasətinin əsas prioritetləri və strateji istiqamətləri barədə fikir mübadiləsi aparılıb.
Daha sonra nümayəndələrlə müxtəlif mövzular ətrafında müzakirələr keçirilib. Xüsusilə, gənclərin təhsil, mədəniyyət və məşğulluq sahələrində imkanlarının artırılması, beynəlxalq mübadilə proqramlarının təşkili və gənclərin sosial layihələrdə iştirakının təşviqi məsələləri diqqət mərkəzində olub. Nümayəndələr gənclər arasında liderliyin inkişafı və beynəlxalq əməkdaşlığın gücləndirilməsini dəstəkləyən yeni təşəbbüsləri təqdim ediblər.
Görüşün sonunda iki ölkənin gəncləri arasında əməkdaşlığın gücləndirilməsi, birgə layihələrin hazırlanması və mübadilə proqramlarının genişləndirilməsi ilə bağlı addımların atılmasına dair müzakirələr aparılıb. 
