Gənclər Fondunun dəstəyi, Gənclər Təşkilatları Milli Şurası (NAYORA) və “Böyük Qayıdış” Gənclər Təşkilatının birgə təşkilatçılığı ilə 20 Yanvar faciəsinə həsr olunmuş "20 Yanvar: Xatirələrdən Gələcəyə" adlı panel müzakirəsi keçirilib.
19 Yanvar 2025
“Böyük Qayıdış” Gənclər Təşkilatının idarə heyətinin üzvü, Aprel döyüşləri qazisi Əhliyət Mehdiyevin moderatorluğu ilə keçirilən tədbirdə 20 Yanvar faciəsinin canlı şahidləri olan Cavid Abdullayev, Tahir Fətullayev və Asif İbrahimov çıxış ediblər. Onlar o qanlı gecədə baş verən hadisələrdən, həmin dövrdə Azərbaycanda ictimai-siyasi vəziyyətdən, milli azadlıq hərəkatından və xalqımızın mübarizlik ruhundan bəhs edərək öz xatirələrini bölüşüb, gəncləri maraqlandıran sualları cavablandırıblar.
