Ümummilli lider Heydər Əliyevin anım gününə həsr olunmuş “Heydər Əliyev və Azərbaycan: keçmişdən gələcəyə” adlı panel müzakirə keçirilib.
12 Dekabr 2024
Gənclər Fondunun dəstəyi, Azərbaycan Respublikası Gənclər Təşkilatları Milli Şurasının (NAYORA) və “Böyük Qayıdış” Gənclər Təşkilatının birgə təşkilatçılığı ilə Azərbaycan Dövlət Neft və Sənaye Universitetində ümummilli lider Heydər Əliyevin anım gününə həsr olunmuş “Heydər Əliyev və Azərbaycan: keçmişdən gələcəyə” adlı panel müzakirə keçirilib.
Müzakirə zamanı Ulu Öndərin keçdiyi həyat yolu, müstəqil Azərbaycanın qurulmasında və inkişafında oynadığı tarixi rolu, xalqımıza göstərdiyi misilsiz xidmətləri, həmçinin gənclərə qayğısı və gələcək nəsillərə ötürdüyü zəngin irsi haqqında danışılıb. Ulu öndər Heydər Əliyevlə bağlı maraqlı xatirələrini bölüşən qonaqlar sonda gənclərin suallarını cavablandırıblar.
