Ümummilli lider Heydər Əliyevin anım gününə həsr olunmuş “Liderin İşığında” intellektual zirvə yarışı keçirilib.
12 Dekabr 2024

Azərbaycan Respublikasının Gənclər Fondunun dəstəyi, Azərbaycan Respublikası Gənclər Təşkilatları Milli Şurası (NAYORA) və Xəzər İntellektual Gənclər Klubunun birgə təşkilatçılığı ilə ümummilli lider Heydər Əliyevin anım gününə həsr olunmuş “Liderin İşığında” intellektual zirvə yarışı keçirilib.
Tədbirin keçirilməsində əsas məqsəd gənclər arasında Ulu öndər Heydər Əliyevin zəngin irsini tanıtmaq, onun milli irsimizdəki əhəmiyyətini vurğulamaq və intellektual inkişafı təşviq etmək idi.
Yarış müddətində 6 komanda iştirak edərək bilik və bacarıqlarını nümayiş etdiriblər. Yarışın sonunda birinci yeri “C” komandası, ikinci yeri “F” komandası, üçüncü yeri isə “D” komandası tutubdur. Tədbirin qalibləri mükafatlar və hədiyyələrlə təltif edilibdirlər.
Tədbir gənclər arasında həm intellektual biliklərin artırılmasına, həm də milli dəyərlərin təbliğinə əhəmiyyətli töhfə veribdir.
İştirak edən bütün komandalara və gənclərimizə təşəkkür edirik!