Gənclər arasında mədəni əlaqələrin qurulması və inkişafına töhfə vermək, humanizmi, milli və bəşəri dəyərləri təbliğ etmək təşkilatın əsas fəaliyyət istiqamətlərindən biridir. Xarici ölkələrdə yaşayan azərbaycanlı gənclərin Vətənlə əlaqələrini gücləndirmək və onların milli kimliklərini qoruyaraq Azərbaycanla bağlılıqlarını möhkəmləndirmək üçün müxtəlif layihələr və təşəbbüslər həyata keçirilir. Eyni zamanda, Azərbaycan diasporasında gənclərin fəal iştirakına dəstək vermək və onların beynəlxalq platformalarda ölkəmizi layiqincə təmsil etməsinə kömək etmək təşkilatın əsas məqsədlərindəndir.